Wian is dikmond dat hy saamgesleep word na Parys, Frankryk terwyl sy pa daar moet werk.

Gelukkig kom sy pelle saam. En Wian is darem opgewonde oor een ding: Hy kan uiteindelik na die Viking-museum toe gaan. Hy is MAL oor die Vikings!

Maar watter vreemde ding gebeur dat hy skielik die Vikings in lewende lywe ONTMOET?!

Hoe ontsnap hy toe 'n Viking-vegter hom met sy swaard wil deurboor?
En hoe gaan hy ooit kan terugkom uit Parys van 'n 1 000 jaar gelede na VANDAG?

Lees saam aan hierdie wegholrit van 'n avontuur!

Wat sal jy doen as 'n boelie jou goudvis in die skool se toilet afspoel?

Dit is presies wat met Dennis gebeur. Gelukkig kry hy sy goudvis terug. Maar iets is nie reg nie... Kort voor lank begin Flaffie vreemde goed doen - soos om Dennis se huiswerk op te eet! Daar wag 'n GROOT skok op die hele skool...

Ben gaan in sy heel eerste rugbywedstryd speel. Sy maag gee sommer so 'n wilde draai as hy net aan die wedstryd dink. In die wedstryd druk Ben 'n uitstekende drie... maar onder die verkeerde pale! Ben voel baie skaam oor hierdie fout, maar Pappa lees vir hom in die Kinderbybel dat hy nie skaam hoef te wees vir foute nie.

Is jy gereed om HOENDERVLEIS te kry?

Slaap 'n nag lank in die spookkamer, trek 'n paar grillerige handskoene aan of waag dit om in die Middernagmeer te swem...

Hierdie versameling stories en rympies sal selfs die dapperste leser heerlik laat ril en gril!

Carmen Niehaus het reeds meer as twintig kookboeke uitgegee en "LEKKER & GOED: Heerlike kos propvol heilsaamheid" is haar jongste.

Dis 'n lekker-eet-boek met ou bekendes en nuwelinge wat gesonder gemaak is sodaat jy steeds heerlike kan eet sonder om skuldig te voel. "LEKKER & GOED" sluit ook 'n paar laekoolhidraat-, glutenvrye en vegetariese resepte in wat heelwat vars en onverwerkte produkte bevat.

Carmen strewe na 'n gesonde lewenswyse, en haar kookfilosofie en grootste uitdaging is om alledaagse kos gesonder te maak sonder om smaak og geur in te boet. Eerder as 'n dieetboek of gesondheidshandleiding gaan dit meer oor 'n Mediterreense eetstyl met insiggewende gesondheidsinligting, goedgekeur deur 'n dieetkundige en nuwe, breedvoerig toegeligte maniere van kook.

Bederf jou gaste met haar vernuwende en inspirerende resepte sonder om ure in die kombuis deur te bring.

Toe Blouvlerkie eendag spoorloos verdwyn, wil Muis, Krimpvarkie en Eekhoring eers glad nie glo wat gebeur het nie. Hul maatjie is dood. Beteken dit hulle sal nooit weer saam met hom aan bessies smul nie?
Nooit weer neute saam met hom soek nie? Die drie is diep hartseer.

Maar hoe vertroostend is dit toe hulle, met die hulp van wyse Uil, uitvind dat Blouvlerkie voortleef in die herinneringe en stories wat sy vriende oor en oor met mekaar deel.

'n Deernisvolle verhaal oor die dood en afskeid.
Geskik vir kinders en die hele gesin.

Why is a snake's tongue forked?
Why do snakes shed?
Which snakes play dead?
Do snakes have ears?
How often do snakes eat?

Meet 36 of southern Africa's most common and interesting snakes in this lively guide. Discover the fascinating habits of snakes - where they live, hoe they hunt, what dangers they face, and how they protect themselves. A detailed introduction to many aspects of snake behaviour open up the amazing world of these widely misunderstood reptiles.

Ilse Nadine Mouton (née Morries) is 'n gebore Kapenaar, matrikuleer in 1970 aan die Hoërskool Groote Schuur en kwalifiseer daarna as radiografis by Tygerberg Hospitaal. Sy is getroud met André, 'n radioloog, en woon sedert 1990 in die Paarl. Hulle het drie kinders - Michelle, 'n dokter, Nicolaas en Adriaan, beide finansiële wiskundiges.

As jonggetroude verruil hulle die Bolandse berge vir die verrykende ervaring van 'n plattelandse leefwyse en verhuis na hul nuwe heimat in die eertydse Suidwes-Afrika - 'n land en sy mense wat 'n onuitwisbare nalatenskap in hul wese neerlê. Teen die agtergrond van politieke veranderinge word die wel en weë van Gobabis gedurende die 1980's met piëteit herleef.

"Aan die einde van die reënseisoen laat Louis sy werkers na n'abbas soek in die veld. Dit verg 'n kennersoog om die wilde truffels in die fyn krake van die sand raak te sien. Met sononder skink hy 'n schnapps en sit een van sy langspeelplate met Duitse musiek op die draaitafel."

"Dan word ek in my spore deur die wonderlikste aangesig gestuit. Die ikoniese klipbryg van Mostar, 'n simbool van rekonsiliasie, span soos 'n sierlike reënboog oor diep, turkoois water; die rippelende refleksie 'n sirkel van ewige lewe in die goue aandlig."

Ilse Nadine Mouton (née Morries) is gebore in Kaapstad, matrikuleer in 1970 aan die Hoërskool Groote Schuur en kwalifiseer daarna as radiografis by Tygerberg Hospitaal. Sy is getroud met André en woon in die Paarl. Hulle het drie kinders - Michelle, Nicolaas, en Adriaan. Daar is ook twee kleinkinders, die rede en sin vir alles.

Daar is 'n paar basiese reëls wanneer jy jou eerste band begin:
1. Besluit vooraf watter soort musiek julle wil maak.
2. Neem jou tyd om lede vir jou band te kies.
3. Moenie op iemand in jou eie band verlief raak nie.

Ons het al die reëls oortree...

Hy sal sy kudde laat wei soos 'n herder;
Hy sal die lammers in sy arm
vergader en aan sy bors dra;
die lammerooie sal Hy saggies lei.
Jesaja 40:11

Die verhale van die Bybel kry nuwe lewe in hierdie pragtige "Klassieke Storiebybel" vir kinders. Die "Klassieke Storiebybel" sluit verhale van die belangrikste gebeurtenisse van die Christelike geloof in. Die pragtige en dramatiese illustrasies beeld in grafiese besonderhede 57 van die belangrikste Bybelse gebeurtenisse uit. Die illustrasies skep 'n kontekstuele rekonstruksie van die wêreld van die Bybel wat kinders help om die boodskap van die Bybel beter te verstaan. Hierdie kinderbybel sal in die jare wat kom 'n groot gunsteling onder kinders en families bly.